Faton Peci intervistohet për disa orë në Prokurorinë Speciale për çështjen e granteve
Ish-ministri i Bujqësisë, Faton Peci, është intervistuar sot për disa orë në Prokurorinë Speciale të Republikës së Kosovës, në kuadër të hetimeve që lidhen me ndarjen e granteve në Ministrinë e Bujqësisë.
Nga Prokuroria Speciale kanë konfirmuar se Peci është intervistuar në cilësinë e të pandehurit.
“Ju njoftojmë se z. Faton Peci është intervistuar në cilësinë e të pandehurit në rastin e granteve, i cili është në trajtim nga Prokuroria Speciale e Republikës së Kosovës”, thuhet në njoftimin e Prokurorisë.
Pas përfundimit të intervistimit, Peci është larguar nga objekti i Prokurorisë pa u prononcuar për mediat lidhur me rastin.
Gjatë ditës, Prokuroria Speciale ka zhvilluar intervistime edhe me zyrtarë të tjerë, ndërsa hetimet për këtë çështje janë në vazhdim.
About The Author
