Votohet Qeveria Kurti 3: 66 vota për, 49 kundër
Kuvendi i Kosovës ka miratuar mbrëmjen e sotme përbërjen e Qeverisë së re, të drejtuar nga Albin Kurti, duke hapur zyrtarisht mandatin e tretë qeverisës, të njohur si “Kurti 3”.
Pas prezantimit të programit qeverisës dhe kabinetit të propozuar, si dhe debatit parlamentar, deputetët votuan për ekzekutivin e ri. Qeveria mori 66 vota pro, 49 kundër dhe asnjë abstenim.
Kabineti përbëhet nga 19 ministri dhe do të udhëheqë vendin në një mandat katërvjeçar. Ky rikthim në pushtet vjen pas një periudhe njëvjeçare pa qeveri funksionale, për shkak të bllokadave politike.
Mandati i ri nis nga 11 shkurti, ndërsa pritjet e qytetarëve mbeten të fokusuara në përmirësimin e kushteve të jetesës dhe zhvillimin ekonomik.
Përbërja e Qeverisë:
Zv/kryeministër i parë dhe ministër i Punëve të Jashtme – Glauk Konjufca
Zv/kryeministre dhe ministre e Drejtësisë – Donika Gërvalla
Zv/kryeministër për Çështje të Pakicave dhe Bashkëpunim – Fikrim Damka
Ministër i Financave – Hekuran Murati
Ministër për Punë, Familje dhe Vlera të Luftës Çlirimtare – Andin Hoti
Ministër i Mbrojtjes – Ejup Maqedonci
Ministër i Punëve të Brendshme – Xhelal Sveçla
Ministër i Administratës Publike dhe Digjitalizimit – Lulëzon Jagxhiu
Ministër i Shëndetësisë – Arben Vitia
Ministër i Arsimit dhe Shkencës – Hajrullah Çeku
Ministër i Kulturës dhe Turizmit – Saranda Bogujevci
Ministër i Sportit dhe Rinisë – Blerim Gashani
Ministër i Administrimit të Pushtetit Lokal – Elbert Krasniqi
Ministre e Mjedisit dhe Planifikimit Hapësinor – Fitore Pacolli
Ministër i Bujqësisë, Pylltarisë dhe Zhvillimit Rural – Armend Muja
Ministër i Infrastrukturës dhe Transportit – Dimal Basha
Ministër i Tregtisë, Industrisë dhe Integrimeve Evropiane – Mimoza Kusari
Ministre e Ekonomisë – Artane Rizvanolli
Ministër për Komunitete dhe Kthim – Nenad Rashiq
Ministër për Zhvillim Rajonal – Rasim Demiri
About The Author
